الطّرقَـ‘ـآت[ للشاعر المُبدع سعد علوش ] ~

السلآم عليكُم

الطّرقَـ‘ـآت[ للشاعر المُبدع سعد علوش ] ~ Mxa44128

الطّرقَـ‘ـآت[ للشاعر المُبدع سعد علوش ] ~ S43

سعد علّوش

من افضل الشعراء بالنسبه لي ..
سمعت له قصائد بجد روعَه ! Embarassed

وهذي من أجمل ماسمعت من قصائده التي لآتخلوا من روعتها,‘

أتمنّى تنال ع إعجابكُم .. خجل

إستمــآع

http://jumairamoon.com/up//down.php?filename=72481a0a45.mp3

في الكبد ليعاتها وفي النفس حاجات
حاجات ماهيب رغبات وشهـوات

ندم على حزن على مدري شسمه
اللـي يكلمـك وتكلمـه بسـكـات

ياودي اصرخ من اللي داخلي حيل
وياودي ماتنبس من الليعـه شفـات

مزحوم تفكير ومشـوش وبـردان
وياخوفي من الغضب والانفعـالات

تعـارك الشـر والخيـر فيـنـي
يأثـر علـى اتخـاذي للـقـرارت

ثاقب وألاحظ تفاصيـل التفاصيـل
كن البشر عري وعيونـي مرايـات

أفضال ربي علي واجـد وأفضـل
أفضال ربي علي الفقر وأنكارة الذات

يامجمل الفقـر وأشيـاءه وروحـه
تموت منه تعب وتعيشـه ازمـات

يعلمـك ضعفـك وبـأن عقـلـك
هو اللـي يميـزك عـن الحشـرات

وتعرف بأن هذا لـك وذا لغيـرك
ولاتفكّر ولاتكسّر حسابات

الفقر مفيد ..وأشياءه مفيده
مليء قناعه وقوه وغايات

يمكن لو إنك غني تطغا وتنسى
وأتطيش وتطوّف الخمس صلوات

لذلك الحمد لله والثنى له
على الفقر والمصايب والمسرات

يمكن أني فقير بس مانيب تبعّي
أجلس ولا أنقاد خلف الإتجاهات

وإن ما أعجبتنيقناعات الزمن هذا
أنا.. أألف لتفكيري قناعات

شاعر ويسكن فـ مخي ألف شاعر
ماهم بشعّار هالوقت التروفات

اللي يقولون مافي الشعر نادر
وإن الشعراء نفس المستويات

لو أنهم واحد وبتفكير واحد
ماشفت ناقد ولامعجب وشمات

الله على هالكلام ومن يقوله
والله يقطع سياسة هالمجلات

يعني اللي شعره ملى الدنيا جماهير
مثل اللي يطلق قصيده سردة أبيات

لامن سمعت القصيده قلت هذي؟
سمعتها قبل هذي عشر مرات!!

يشل.. آخر كلام الشطر الأول
ويحطه بآخر الثاني .. وخذ هات

قاف متكرر.. ولافكره ولاشي
يبني القصيده.. على تفكير بنات

وبه نوع ساذج علشان أيتميّـز
يصرخ ويعمل بيدّينه حركات

والمرء عود مايجهل.. لذلك
هالشعراء يكرهوني -أنا- بالذات

الله يخليني لشعري وأصونه
وأحرق به كبود شعّار المسجات

أجذبّ به.. أذواق حكّام الجزيرة
وأزرعه.. فعقول فتيان وفتيات

اركبّه جن.. وامارسه بجنون
وأشبعه فلسفات وأبتكارات

وآعلم الجيل هذا وإللي بعده
جودة الإطاله .. وفن الإختصارات

و وشلون أحرث صخر فكري وأخلّي
بيني وبين أقرب منافس مسافات

الشعر في نظرة اغلبهم مصالح
فلوس وشيوخ وبنات ولقاءات

وفي نظرتي الشعر روحٍ و روح حرّه
ماتخضع لشف.. وأشخاص.. وقياسات

الشعرٌ ماتقشعرُ له الأبدانٌ
ومَا يسَرقُ من الكلمات .. الكلمَات

تقراه فـ عيون شاعره وتحسه
يفتح له فَجلد يدّينك مسامات

ردد قصيدي ياجمهوري وصفق
وعلمّهم إن الغلا ماهو خيارات

تعال نسرح سوّى في شي عندي
وأخاف لا أبكي؟ وتبكيني العبارات

حزين جداً ومتعومس وخايف
أحس كنّي على مهوّي نهايات

حبيبتي .. إللي أغليها وأبيها؟
راحت .. وقالت بجّي وللحين ماجات

ما أذكر أني.. مسوي شي لكن
الحب لا زاد.. يسبب حزازات

والصبر صبر القلوب البيض وأدري
يامصعب الصبر لا قدّ به محاتات

دمّرني الشوق وإستنرفني شعور
وتعبت أثبت وجودي داخل شتات

تمر كل الوجيه.. بدرب عيني
نفس الملامح؟ .. ونفس الإبتسامات

حبيبتي طاغيه وبشكل طاغي
صديقة الليل واجناب البنايات

من وين ما أفتر لاهذا وجهها
على الطرقات وأضواء السيارات

يابرّي حالي عليها برّي حالي
عليها يابرّي حالي عشر بريات

لأني أحبها .. فعلاً وجداً
ماهي محبة.. رفث.. ولا إتصالات

أحس كني أبوها أو أخوها
أدرى عليها من العالم مدارات

وإللي سواتي.. يحب وخايف الله
يعرف.. معنى معاناة المعانات

الحزن في بعض الأحيّان إزدواجي
وجميل.. إذا صار من تجنيب غلطات

من خّلا حاجه لربي عاضه أخيّر
منها واحسن دبلات الدبلات

وانا مابي .. غيرها .. ولا ألتفت له
السيده .. لا رجعنا للسيادات

جعل أمها إتوافق إن جيت أخطبها
تكفون دعواتكم يـ أهل الدعوات

الطّرقَـ‘ـآت[ للشاعر المُبدع سعد علوش ] ~ S43

اخوكم سولفي للناس عني

دام نبض اختيارك
رائع بروعــه جمــال حضورك

سيدي
سولفي للناس عني

لا اجمل منك إلا النجوم الراقيه التي تزين سماء ابداعك
لك روعــه ولنبضك جمــال
دام حسك

ودي و وردي

:
:
:

شموخ الورد

الله يعطيك العافيه اخوي سولفي للناس عني7
7
7
تقبل مروري

» ابـــســــالـــك سعد علوش
» قصيده للشاعر محمد ابن فطيس من برنامج شاعر المليون