أشتقت لك ..

سلام عليكم

هذي قصيده اعجبتني وانشالله تنال اعجابكم



ياشوق قلبي هزتـه كثـر الأشـواق

واللي بقلبي واضح(ن)وسـط عينـي

حبك ملا صدري وفاض(ن)الأعماق

ملكت روحـي والحشـا ياضنينـي

طيفك يباري خاطري كـل ماضـاق

وأسلا وكني ماسكـك فـي يدينـي

أنت الغلا وأنت القمر وأنت الإشراق

وأنت الليالي وأنـت بهجـة سنينـي

أشتقت لك والشـوق بالقلـب دفـاق

بعد المسافـه حـال بينـك وبينـي

ياشوق لو الشـوق للشـوق يشتـاق

لقطـع مسافاتـك وأجيـك وتجينـي

لكن تجازيني علـى الحـب بفـراق

أقـرب وتبعـد ليـن بـاح الكنينـي

وأنا الذي قدمـت لـك كـل مـالاق

سلمت لك عمري ولـو كـان دينـي

صبرت مير الصبر ماعـاد ينطـاق

كني أسير(ن)في هـواك وسجينـي

واليوم من سجنك صدر حكم الإطلاق

بعيـش دنيـا بالـفـرح واليقيـنـي

ولو كان حبك يحني الروس للسـاق

ماينحنـي راسـي سـوا للمعينـي



وسـلأمتـــكم .
الشاعر /: عبدالمجيد الضويفري .