باقي على شفتك روووج

ياعين من حطيت عيني بعينه
وابطيت واقف في بحرعينها موج

ابحرت في عينه بليا سفينه
سجيت فيها لين ضيعني الموج

حاولت ألد الشوف عما يهينه
ولا انتبهت إلا وأنا فيه ملـبوج

شفت الفتن في ملتقى حاجبينه
والسحر في عينه مع الزين مدموج

اسود سواده لابسته السكينه
وأبيض بياضه طايش اللون مرجوج

زاويه طرف ٍ حاجز ٍ دمعتينه
لولاه كان الخد بالكحل ممزوج

كاسيه رمش ٍ زاد ملحه وزينه
من فوق متكحل ومن تحت مدعـوج

بين الرموش السود شفت الغبيـنه
واللي رماه الرمش ما عاد له بوج

مرت ثواني من حياتي ثمينه
وأنا أتهادى بين الأشواق و أدوج

مرت وأنا قابض على راحتيـنه
واقف مقابل له وساهي و مدلوج

مدري وش اللي صار بيني وبيـنه
والقلب ما ردنه ضلوعي العوج

ولا انتبهت إلا بسـحبة يدينه
قال أنت تبغي الناس تلحقني بهروج

قلت اعذر اللي شافك الله يعينه
يبطي ودمعه بعد فرقاك مزعوج

عينك بنظرات الغلا مستهينه
قال الغلا في داخل القلب منسوج

قلت الوعد قال إيه كلش بحينه
الله يفتح لك من الضيقه فجوج

قلت آآه .. طيب شف لي الدرب وينه
قال انتبه باقي عـلى شفـتك روج

قلت لها أدري بس لا تمسحينه
أبقهر بلـونه مطافيق وعلوج

اتمنى انها تنال على رضاكم

ودي و وردي وجميع ورود الدنيا
:
:
:
شموخ الورد

قـــــــــــــــــــــــــــــــــــــــــمـــــــــــــــــــــــــه فـــــــــــــــــي الابـــــــــــــداع

اختي شموخ

يعطيك الف عافيه على النقل الاكثر من رائع

تقبلي مروري

ليتك من الحب